ابنِ یزداں کی آمد کے ہم گیت گائیں گے

ابنِ یزداں کی آمد کے ہم گیت گائیں گے
امن و صلح کی سرگم پہ ہم ڈھول بجائیں گے
۱
دل روشن اور شاد ہوئے ہیں اس کے نور سے
ابدی حیات بھی ہم کو ملی ہے اس کے ظہور سے
دیکھو نجات کا بانی آیا ہم سب کو بتائیں گے
۲
گیت فرشتے گا رہے ہیں حمد و ثنا کے آج
گونج رہے ہیں نغمے فضا میں اس کی آمد کے آج
خوشیوں سے سب پھول اور کلیاں مسکرائیں گے
۳
دُور کہیں اک تارا چمکا چمکے ہے آسمان
دھرتی کے چہرے پہ دیکھو کھِلی کھِلی مسکان
اس کی عظمت میں سب سر جھکتے جھکتے جائیں گے