ہووے تینوں سلام رانی

ہووے تینوں سلام
رانی اے اسماناں دیئے
۱
تینوں کرن ملائک سلاماں
کل نسلاں خاص تے عاماں
وچ جگت تمام
۲
تُوں بے داغ حمل وچ پئیوں
خالی اصلی گناہ تھوں رہئیوں
توئیں پاک مدام
۳
تیرے وچ گناہ دا سایہ
کدی ہرگز نہیں آیا
نہ تو ہوئی غلام
۴
تینوں قبروں رب جوایا
روح بدن سمیت اُٹھایا
کیتا عرش مقام
۵
تُوں تے شافی ساڈا جایا
جس نے ساہنوں آن بچایا
رب دا اوہ ہے کلام
۶
تو ہے ساڈی ماں پیاری
غماں وچ تسلی بھاری
دھن تیرا ہے نام
۷
ہے سفارش تیری کاری
اسیں منگدے ہاں بہتی واری
نت صبح تے شام
۸
ساڈے کول اخیر نوں آویں
ہتھیں اپنی آن پلاویں
نیک موت دا جام