ہالیلویاہ ہالیلویاہ ہالیلویاہ کر، ہالیلویاہ کر ہر دم ہر ویلے ہالیلویاہ کر اپنے یسوع نوں دل چ وسا لے اوہدے ناں تے ہر دکھ جر ۱
کر لیندا جہیڑا اے پہچان میرے یسوع دی
میرا تن سارا میری جان میرے یسوع دی
نبیاں دا ربی ویکھو شان میرے یسوع جی
پوری ہوندی جگ تے زبان میرے یسوع دی
جے یقین نہ تینوں آوے ، لکھیا وچ کلام دے پڑھ
۲
فقیہاں فریسیاں نیں یسوع نوں ستایا اے
ساڈیاں گناہواں بارے یسوع نوں رلایا اے
جھوٹھے الزام لا کے سولی تے چڑھایا اے
مُل اوہدے پیار دا کسے وی نہ پایا اے
چڑھ کے سولی تے یسوع نے ، لا ہ دتے نیں سب دے ڈر
۳
پانیاں دے اُتے اوہنے ٹُر کے وکھایا اے
اتھرا طوفان اوہنے روک کے وکھایا اے
مردے نوں اوہنے جدوں قبروں بلایا اے
کیتا سی حیران جدوں معجزہ وکھایا اے
اوہدے حکم نوں من دے سارے ، کیہ انسان کیہ بحر و بر
۴
میرے جئے روگیاں دا چارہ ہور کوئی نئیں
ایہو جیہا لبھدا سہارا ہور کوئی نئیں
یسوع جیہا جگ تے دوارہ ہوئی کوئی نئیں
دنیا دی بیڑی دا کنارہ ہور کوئی نئیں
جس تے کرم یسوع دا ہووے ، ڈُبدا ڈُبدا جاندا تر
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
