ہائے ماں مریم ہائے مادرِ غم

ہائے ماں مریم
ہائے مادرِ غم
۱
آنکھ کی پتلی جان کا پیارا
ہائے تجھ سے کیسے چھینا گیا
۲
جس کا پیغام فرشتہ لایا
کہاں آج نام و نشان رہا
۳
چرنی میں جس کو تو نے لٹایا
صلیب پہ کیسے چڑھایا گیا
۴
کپڑے میں جس کو تُو نے لپیٹا
یہود نے کیسے برہنہ کیا
۵
جس کو تو نے دودھ چٹایا
کیسے پت آج پلایا گیا
۶
جس کو گڈریوں کو تو نے دکھایا
چوپانوں نے کیسے پھینک دیا
۷
فلک تیرے میں جو چمکا ستارہ
شہ ظلمت نے بے نور کیا
۸
ورق لکھا جو دستِ پدر نے
تیرے طومار سے پھاڑا گیا
۹
خوش رُو پھول جو تُو نے پالا
وحوش کے قدموں سے کچلا گیا
۱۰
جس نے جہاں کی خطائیں اٹھائیں
جہاں سے وہ کیسے اٹھایا گیا
۱۱
خالق کا مقبول پیارا
خلائق سے مردود ہوا
۱۲
ہائے تسلی دہندے کی ماں کو
تسلی دہندہ کہاں سے ملے
۱۳
کون جو ماں کے غم کو دیکھے
گناہ سے نہ اب دُور رہے