گھڑیوں کی کچھ بات نہ چھیڑو

گھڑیوں کی کچھ بات نہ چھیڑو
یگ یگ کا یہ ساتھ ہے
پہلو میں برچھی کھانے والا
کر گیا میٹھی بات ہے
آؤ آؤ یسوع کو سجدہ کریں
۱
تھا وہ خدا پر انساں بن کر سچا پیار سکھا گیا
شیطاں سے خود ٹکر لےکر جگ کا پاپ اُٹھا گیا
اَور کسی کا ہاتھ کریں کیا
ہاتھ میں اُس کا ہاتھ ہے
۲
ہوش میں آ اے پگلے مورکھ یسوع ہی سکھ دیتا ہے
اُس کے لہو سے پاپ دھلا لے ابدی جیون دیتا ہے
اُس جیسا نہ ہے نہ ہوگا
وہ تو خدا کی ذات ہے
۳
تنہائی کا ساتھی یسوع ساتھ کبھی نہ چھوڑے گا
چھوڑے زمانہ اپنا بیگانہ یسوع مکھ نہ موڑے گا
بھج بھج لے نامِ مسیحا
نامِ مسیحا نجات ہے