یہوواہ اپنے تائیں ہن توں ساتھوں کیوں چھپایا اے
Yehowah apne taain han toon saathon kyun chhupaya ae
کھلوتا دور کیوں رہندا جدوں دُکھ سر تے آیا اے
Khalota door kyun rehnda jadon dukh sar te aaya ae
1
کلیجا جلدا عاجز دا ہنکاراں تھوں شریراں دے
Kaleeja jalda aajiz da hankaaraan thon shareeraan de
جو منصوبے اوہ بنھدے ہین اوہ آپے اوہناں وِچ پھسدے
Jo mansoobe oh banhde hain oh aape ohnaan vich phasde
2
تے اپنے دِل دِی خواہش تے شریر ہنکار دا رہندا
Te apne dil dee khwahish te shareer hankaar da rehnda
لٹیرے نوں بھلا کہندا نہ رَب دی رکھدا کجھ پرواہ
Lutairay noon bhala kehnda nah Rabb dee rakhda kujh parwah
3
شریر اپنے تکبر وِچ خُدا نوں ناہیں لبھدا اے
Shareer apne takabbur vich Khuda noon naahin labhda ae
اوہ کہندا اے ، خُدا ناہیں نہ اوس نوں خوف ربّ دا اے
Oh kehnda ae, Khuda naahin nah os noon khauf Rabb da ae
4
تے اوہدیاں عادتاں بریاں برابر رہندیاں قائم
Te ohdiyan aadataan bariyan baraabar rehndiyan qaaim
نیاں تیرے خُداوندا چھپے ہین اوس تھوں دائم
Niyaan tere Khudawanda chhape hain os thon daaim
5
اوہ اپنے ویریاں اَگےّ ہے آکڑدا تے ایہہ کہندا
Oh apne veeriyan agge hai aakarda te eh kehnda
نہ دُکھ میرے تے آوے گا کدی وِی مَیں نہ ڈِگاں گا
Nah dukh mere te aawega kadi vee main nah digaanga