فرشتوں نے خبر خُوشی کی

فرشتوں نے خبر خُوشی کی
غریب چرواہوں کو دی تھی
یہ بھیڑ وں کی محبت سے
رکھوالی رات کو کرتے تھے
کیا خُوش پیغام اور روزِجلیل
مولود ہے شاہ اِسرائیل
۱
پھر دیکھو پُورب میں آشکار
ستارہ چمکا رونق دار
جب اُس سے نکِلا نُور زرّیں
تب رُوشن ہوئی کُل زمین
۲
اور وہ ستارہ رہبر تھا
پُورب کے تین مجوسیوں کا
جو شاہ کو ڈھونڈنے آئے تھے
اور ساتھ نذر انہ لائے تھے
۳
جب بیت لحم میں وہ پہنچے
تارے کی راہنمائی سے
پھر دیکھ وہ تارہ راہنما
جا ٹھہرا جہاں یسُوع تھا
۴
پھر گھر میں جا بصد تعظیم
جُھکاتے ہیں سِر تسلیم
گُذرانتے ہیں وہ پُر سرُور
مُر سونا لوبان اُس کے حضور
۵
پس ایک دل ہو کر بھائیو
سجدہ کرو خُداوند کو
کہ خالق نے محبت سے
ہم کو خُون سے خریدا ہے