دوریاں سب دُور ہونگی فاصلے مٹ جائیں گے

دوریاں سب دُور ہونگی
فاصلے مٹ جائیں گے
بادلوں پر عرش سے
میرے مسیح جب آئیں گے
1
اک نیا شہرِ مقدس
عرش سے اُتر آئے گا
راج کرنے کو یسوع
راجاؤں کا راجا آئے گا
برگزیدہ لوگ سارے
قدموں میں جھکتے جائیں گے
2
چاند سورج کی بھی نہ
ہوگی ضرورت کچھ وہاں
منبعٔ انوار یسوع
ہی تو خود ہوں گے وہاں
نور سے روشن سبھی
ارض و سما ہو جائیں گے
3
رات اور دن بھی سبھی
موقوف تب ہو جائیں گے
نور کے بادل بھی اس کے
ہر طرف چھا جائیں گے
گیت پھر اس کی ستائش
کے ہی گائے جائیں گے