(دوہڑا)
بُوہا کھلیا اج نصیباں دا میرے اُتے رحمت چھائی اے
مینوں رل کے دیو مبارکاں مینوں شافی دید کرائی اے
جہیڑی عدنوں اُجڑی کُلی سی اوہدے فضلاں پھیرا پایا اے
میرا سنُجھا وہیڑا وس پیا ، میرے لُوں لوُں خوشی سمائی اے
...
(استھائی)
دل سُنجے وہیڑے شافی جی تشریف لیائے نیں اج گھر وچ آئی اے نجات لکھاں شکر منائے نیں (۱)
کدی نوری صورت دید کراں کدی چُماں قدماں نوں
کدی اپنی حالت ویکھ لواں کدی اپنے کرماں نوں
شافی دے نال فرشتے بن بن لشکر آئے ہیں
(۲)
دنیا دا چانن یسوع اے گھر نور و نور میرا
اج کھڑیا پھُل حیاتی دا ہویا دُور ہنیرا
اوس کالیاں راتاں دے وچ اپنے چانن لائے نیں
(۳)
میں آپو صلیبی اپنیاں نظراں دے وچ نیچ ہویا
گلیاں دے ککھاں وانگر میں پیراں دی کیچ ہویا
اوس اُچیاں شاناں والے میرے بھاگ جگائے نیں
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
