دِل لے لے میرا پیارے یسوع اِس کو تُو نے بنایا ہے

دل لے لے میرا پیارے یسوع
اس کو تو نے بنایا ہے
اس میں تو اپنا گھر بنا لے
جس کے لئے یہ بنایا ہے
۱
دنیا کی سب چیزیں نکال کر
اسے پاک و صاف کر دے
گندگی گناہوں کی تو دھو دے
اپنے خون سے جو بہایا ہے
۲
بہت سال میں رہا تجھ سے دور
لاپرواہی نے تھا کیا دور
تیرے رحم اور فضل اور پیار نے
تیرا در مجھے دکھایا ہے
۳
پڑھا جب کلامِ پاک میں نے
جو اصلی ہے شاہراہ
ابدی نجات و زندگی کا
مجھ کو یقین آیا ہے
۴
روح پاک کا ہو جائے مسکن
روح پاک کی بخشش سے
ہر وقت ہر جگہ دوں گواہی
روح نے جیسے سکھایا ہے