دِل کی آواز سُنو اپنا انکار کرو

دِل کی آواز سُنو اپنا انکار کرو
اپنی جو بھی ہے خطا اُس کا اقرار کرو
اصل توبہ ہے یہی اِس کا پرچار کرو
۱
کون ایسا ہے یہاں جو خطاکار نہ ہو
فضل و امدادِ خُدا جس کو درکار نہ ہو
بخش سکتا ہے گناہ جو گنہگار نہ ہو
وہ مسیحا ہی تو ہے اُس کا پرچار کرو
۲
پیار وہ پیار نہیں جس کا اظہار نہ ہو
مرنے مٹنے کے لئے کوئی تیار نہ ہو
اپنے آقا کی طرح تم بھی ایثار کرو
وہ مسیحا ہی تو ہے اُس کا پرچار کرو
۳
جس نے انساں کے لئے خود کو قربان کیا
مخلصی دے کے ہمیں ہم پہ احسان کیا
حق تو یہ ہے کہ اُسے دِل سے سب پیار کرو
وہ مسیحا ہی تو ہے اُس کا پرچار کرو