بیت لحم کے اے چھوٹے قصبے

بیت لحم کے اے چھوٹے قصبے
خاموش اور سنسان ہوتے دیکھا
اندھیری گلیوں میں تیری لیکن
جلال ابدی چمکتے دیکھا
۱
صبح کے تارے یہ کہہ رہے تھے
کہ یسوع جب تُو زمیں پہ آیا
تمام عالم کو خرمی اور
خوشی سے لبریز ہوتے دیکھا
۲
تُو بادشاہ آسمان سے
زمین پہ آیا طبیب بن کر
ہر ایک انسان کے درد و غم کو
لمحے میں معدوم ہوتے دیکھا
۳
دِلی تمنا یہ ہے ہماری
کہ ہم سے مرضی ہو پوری تیری
کہ جس طرح انتظام رب کا
تیری ولادت میں ہوتے دیکھا
۴
عجب خاموشی کے چند لمحوں میں
آ گئی ہے خُدا کی بخشش
دِلوں میں داخل اُسی طرح پر
یسوع مسیح کو بھی ہوتے دیکھا
۵
گزر گئی ہے شب تیرگی کی
چمک اُٹھا نُور آسمان کا
پھر ایک دفعہ ہم نے آسمان سے
یسوع مسیح کو آتے دیکھا