برحق ہے اور ثابت اے رب کلام تیرا

برحق ہے اور ثابت اے رب کلام تیرا
ایسا ہے پاک جیسا ہے پاک نام تیرا
۱
ہم کو وہی دکھاتا ہے راہِ آسمانی
ہے راحتوں کا چشمہ زندہ کلام تیرا
۲
حافظِ دمِ ہلاکت ہے پاک شرع تیری
تُو دے پناہ ہم کو ہے انتظام تیرا
۳
جیسی کہ بے بدل ہے خود پاک ذات تیری
پاتا نہیں تغیر اے رب کلام تیرا
۴
پیدا کیا جو تُو نے ہے آج تک وہ قائم
ایسے ہی حکم قائم ہے تا دوام تیرا
۵
اے باپ جب پڑھوں میں اِس کو تو آرزو ہے
پاؤں جدید اُس میں اے رب پیام تیرا