بادشاہ آیا ہے ، جے ہو

بادشاہ بادشاہ
سلامتی کا وہ شہزادہ
۔۔۔
جے ہو
بادشاہ آیا ہے ، جے ہو
تخت لگایا ہے ، جے ہو
جلال خُدا نے
اپنا دکھایا ہے
عظیم الشان شہنشاہ
چرنی میں آیا ہے
۱
اس کا ہے ازل سے پورا اختیار
نبیوں کو بھی تھا اُسی کا انتظار
بادشاہی کا اُس کی انت نہیں
داؤد کے تخت کا وہی تاجدار
روحِ خدا دیکھو دُنیامیں آیا ہے
۲
اس کا نام کیا یسعیاہ نے بیان
ستارے نے دکھایا الہٰی نشان
دنیا میں چمکا وہ نور بن کے
قدموں میں اُس کے ہیں دونوں جہاں
باپ کا بیٹے نے عکس دکھایا ہے
۳
خدایا یہ تیری کیسی خدائی ہے
بھیج کے بیٹا ہمیں دی رسائی ہے
جو ابنِ خدا پہ ایمان لے آئے
زندگی ہمیشہ کی اُس نے پائی ہے
تحفہ نجات کا خود یسوع لایا ہے