بانہوں میں جس نے اپنی سُلایا

بانہوں میں جس نے اپنی سُلایا
انگلی پکڑ کے جس نے چلایا
سائے میں جس نے اپنے بٹھایا
پیار سے جس نے ہم کو کھلایا
میرے بابا
۱
صبح سے شام تک سب کی فکر کرے
پاسباں ہے ہمارا
اپنی خوشی پر وہ نہ نظر کرے
باغباں ہے ہمارا
گھر کو محبت سے بابا نے ہے سجایا
پیار کی خوشبو سے گھر مہکایا
۲
کم نہیں ہے ماں سے مجھ کو
اِن کی عزت میں حیات ہے
شفقت بھری ہیں باپ کی آنکھیں
پیار بھری ہر بات ہے
مشکل طوفانوں سے لڑنا سکھایا
اِن کی دعاؤں سے رب سے ہے پایا