آیا یسوع یار ساڈے پاس اج اپنا رُوپ وٹا کے 1
سنو فرشتے کی گاؤندے ہینگے
کس دا ذکر سناندے ہینگے
کیسے ساز وجاندنے ہینگے
راگ آواز ملا کے
2
جنم خد ادے پُتر لیتا
راہ نجات اوس کھول ہن دتا
مکتی دے کم نوں پورا کیتا
آدم شکل بنا کے
3
اوسے دا ناں ہن گا گا لیندے
پاپیاں نوں خوشخبری دیندے
یسوع دے نام دی حمد کریندے
بربط بین وجا کے
4
ہون کمزور ہوئیوں ابلیسا
بھیجا تیرا پجھیا سپا
پاک حضوروں ملیا تھکا
تُو سُٹیوں مار مکا کے
5
آؤ دلیر ہن سبھے بنئے
حکم خدا دا دل نال منئے
موذی نال دلیر ہو لڑئیے
مدد یسوع کولوں پا کے
6
عرض کرے میرا تن من رُوں رُوں
زندگی بخشیں جے تُوں مینوں
صرف کراں گا سال دوجے نوں
تیریاں صفتاں گا کے
7
منت کردا ایہہ بندہ تیرا
سچا چانن نام ہے تیرا
دل دا دُور کریں تُوں ہنیرا
نُور نوں تُوں چمکا کے
8
طالبؔ دی ایہ منت پیارے
جنے تیرے لوک وچارے
بیٹھن سجے پاسے سارے
راج کریں جد آ کے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
