اے میرے محبوب بندے سن میری

اے میرے محبوب بندے سن میری
تجھ سے یزداں کو شکایت ہے یہی
تو نے کیوں پہلی محبت چھوڑ دی
تو نے کیوں شیطان سے کی دوستی
1
غور کر اپنی نظر اوپر اٹھا
دیکھ تو کتنی بلندی سے گرا
توبہ کر کے اب اٹھا دستِ دعا
تیری خدمت میں نہاں اس کی خوشی
2
تو نہ گر توبہ کرے گا اے بشر
پھر تیری تاریک ہو گی رہ گزر
ٹھوکریں کھاتا پھرے گا در بدر
پھر ہنسے گی تجھ پہ تیری بے بسی
3
تیری خاطر المسیح نے دکھ سہا
موت پہ جو فتح پا کر جی اٹھا
وہ منجی ہے وہی مالک تیرا
اس نے دی ہے جو گناہ سے مخلصی