اساں یسوع دا دوارہ نئیوں چھڈناں
زمانہ آزما کے ویکھ لے
پورا کراں گے جو بول مونہوں کڈھناں
زمانہ آزما کے ویکھ لے
۱
اسیں اگ دیاں بھٹیاں چ سڑاں گے
اسیں شیراں دیاں غاراں وچ وڑاں گے
پیارے یسوع دا نئیں پیارا نام ردناں
۲
اسیں موت دے طوفاناں نال لڑاں گے
سولی اُلٹی چڑھاؤ گے تے چڑھاں گے
مونہوں ہر ویلے یسوع نام جپناں
۳
سِر دینا جے پوے گا سِر دیواں گے
قائم حق دی سچائی اُتے رہواں گے
سچ کہہ کے میدانوں نئیوں بھجناں
۴
اسیں یسوع دے بیاناں نوں سناواں گے
باپ بیٹے تے روح پاک نوں تہاواں گے
جھنڈا ناصری دے نام والا گڈناں
۵
موت کمبے گی شیطانی زور مُکے گا
روناں روندیاں دی اکھیاں دا سُکے گا
جدوں یسوع دے دیوانیاں نے گجنا
۶
یسوع زندگی دا والی پُت رب دا
پھرے گلی گلی پاپیاں نوں لبھدا
ایہہ کوئی لُکی چھُپی گل نئیوں سجناں
۷
چیلے ناصری دے سِر تاج پان گے
اِنکاری تدوں تھاں تھاں منہ لکان گے
روزِ حشر دا نقارہ جدوں وجناں
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
