اج نچ نچ جشن مناواں یسوع نام دے گیت سناواں او تے میرے لئی سی مریا کیویں پیار اوہدا میں بھلاواں (۱)
یسوع ناں وچ بھنگڑے پاواں میں
کدی نچن تھوں نہ شرماواں میں
اوہدے قدماں دے وچ آ کے تے
خوب دھمالاں پاواں میں
دکھ دور کیسے اوس میرے
میں کیوں نہ خوشی مناواں
(۲)
ہر دل دا بوہا میرا یسوع
پیا اج کھڑکاندا اے
او تے آپ خدا سی فیر وی ویکھو
چل ساڈے کول آندا اے
او تے کہندا کھول دے بوہا
تیرے نال میں کھانا کھاواں
(۳)
ساری دنیا دے لئی ویکھو یسوع
اپنا خون بہایاسی
اساں اوہدی قربانی دا کوئی
مل ذرہ نہ پایا سی
او تے اج وی پیا بلاوے
میں واپس مڑ گھر آواں
(۴)
او تے آپ سی جگ دا والی پر
میرے لئی او ہویا خالی سی
پر ساہنوں سب نوں بچاون لئی
اوہنے اپنی جان گنوائی سی
ایناں پیار کیتا اوس مینوں
اوہدے صدقے واری جاواں
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.