ایس دنیا تھوں جا کے بندیا

ایس دنیا تھوں جا کے بندیا
آخر نُوں تُوں پچھتاؤنا ایں
کسے ابرہام دی گود اندر
کسے وچ دوزخ کرلاؤنا ایں
۱
جیہڑے عیش جہان تے کردے نیں
دوزخ دی اگ وچ سڑ دے نیں
گندھک دی اگ وچ سڑدے نیں
نہ جیوندے تے نہ مردے نیں
پئے موت نوں واجاں مارن گے
پر موت نیڑے نہ آؤناں ایں
۲
تُوں چھڈ دے عیش پرستی نُوں
دولت دی چڑھدی مستی نُوں
تُوں دُنیا تے نہ رہنا ایں
لبھ جنت والی ہستی نُوں
تُوں اج گناہ تھوں کر توبہ
ایہہ ویلا ہتھ نہ آؤنا ایں
۳
تینوں یاد ایہہ دس کنواریاں سن
پنج چنگیاں پنج نکاریاں سن
پنج جاگن لاڑا ویکھن لئی
پنج سستی دیاں ماریاں سن
اے سونے والے جاگ ذرا
کیوں سُتیاں سوئیں جانا ایں