اے مسیحی نوجواں، غافل نہ بن ہوشیار ہو

اے مسیحی نوجواں، غافل نہ بن ہوشیار ہو
تُو سپاہی فوجِ یزداں کا ہے تُو تیار ہو
۱
جو ہیں بھٹکے اُن کو راہِ زندگی بتلائے جا
خود سنبھل اور دوسروں کو بھی یہی سکھلائے جا
ہاتھ میں تلوار روح کی اور دِل میں پیار ہو
۲
دُور منزل ہے تیری اور راستہ بھی ہے کٹھن
پھر جہاں کی لذتوں پہ آتا کیوں تیرا ہے من
یہ نہیں دُنیا تیری تُو چھوڑ اِس سنسار کو
۳
جو ہیں راہی تھک گئے تُو آپ اُن کا ساتھ دے
جو ہیں پیچھے رہ گئے اُن کو بڑھا کے ہاتھ دے
اور تنہا رہ گئے جو آپ اُن کا یار ہو