اے مالک سارے عالم کے

اے مالک سارے عالم کے
سُن لے یہ التجا
اور اپنی پاک بشارت سے
تاریکی کو مٹا
۱
شیطان تاریکی کا سردار
پھیلاتا ہے فساد
اور تیری اچھی خلقت کو
وہ کرتا ہے برباد
۲
شیطان کے محکم قلعوں کو
خدایا کر تسخیر
تلوار کمان اور تیر کو توڑ
اور اُس کو کر اسیر
۳
تُو اپنا وعدہ یاد فرما
جو کِیا تھا اِک بار
کہ تیرے پیارے بیٹے کا
کُل ہو گا اختیار
۴
جلد لا اُس دِن کو اے کریم
آزاد ہو جب اِنسان
سب چھوٹے بڑے یسوع کو
مان لیں اپنا سلطان