اے خداوند مسیح تُوں ہیں جلالی بادشاہ

اے خداوند مسیح تُوں ہیں جلالی بادشاہ
باپ دا ازلی تُوں بیٹا نال اس دے ہیں سدا
۱
جاں تُوں مُکتی آدمی دی اپنے ذمے سی لئی
کنیا تے گربھ تھوں نفرت نہ کُجھ تینوں رئی
۲
موت دا جاں ڈنگ تیں میرے مسیحا توڑیا
مومناں خاطر سورگی راج نُوں تُوں کھو لیا
۳
باپ دی تُوں شان وچ سجے خُدا دے بیٹھیا
ہے یقین ساہنوں نیاں ساڈے نُوں توئیں آئیں گا
۴
ہے دُعا ساڈی مدد کر بندیاں دی ہر گھڑی
خون اپنا مہنگ مولا دے خلاصی دِتی سی
۵
کر جلالی تُوں اساں نُوں پاک لوکاں وچ رَلا
اپنے وِرثہ نُوں مُبارک کر تے اُمت نوُں بچا
۶
ہو کے آگو تُوں اوہناں دا دے بزُرگی مالکا
روز دِہاڑی تیری کر دے ہاں بڑائی اے خدا
۷
تیرے نام پاک نُوں وڈیانواں گے یا رب سدا
اج خداوندا تُوں مہر کر گناہاں تھوں بچا
۸
رحم کر ساڈے تے ربا رحم کر اے رب رحیم
ہے بھروسا تیرے اُتے کر تُوں رحمت اے کریم
۹
ہے خداوند تیرے تے آسرا میرا سدا
تُوں کدی شرمندہ مینوں ہون نہ دیویں خدا