آؤ گائیں گیت خوشی کے

God sent His only Son
To Earth, To be the
Light of the World
To bring happiness and
Joy to Everyone
۔۔۔
آؤ گائیں گیت خوشی کے
آج مسیحا آیا ہے
نگری نگری دھوم مچی ہے
گلشن گلشن مہکا ہے
۱
نُور ہی نُور نظر آتا ہے
آج ہمیں تاحدِ نظر
اُس کے نورانی چہرے سے
ذرہ ذرہ چمکا ہے
۲
آسمان پر جس کے یارو
گیت ملائک گاتے ہیں
آج وہی شاہِ دو عالم
اِس دُنیا میں اُترا ہے
۳
آؤ دیسؔ حضور میں اُس کے
دِل نذرانہ پیش کریں
عرشِ بریں کو چھوڑ کے اب
وہ پاس ہمارے آیا ہے