آنکھوں میں حیا کے موتی ہونٹوں پر لہو کی سرخی

آنکھوں میں حیا کے موتی، ہونٹوں پر لہو کی سرخی
ہاتھوں میں وفا کی مہندی، میں سجا کر آئی ہوں
آخر میں دلہن ہوں، دلہا کی دلہن ہوں
۱
دھک دھک دھڑکے دل کہ دلہا آتا ہے
چھن چھن باجے پائل ساجن آتا ہے
کانوں میں صدائیں اُس کی ، سانسوں میں وفائیں اُس کی
۲
پیارے دلہا آ یہ دلہن کہتی ہے
لینے جلدی آ سہاگن کہتی ہے
بس اب رہا نہ جائے تجھ سے ، کہتی تیری دلہن تجھ سے
۳
شہنائی کی گونج میں دلہا آتا ہے
سکھیو، جھانکو، دیکھو پیارا آتا ہے
سینے میں کچھ گیت ہیں چنچل، نینوں میں ایمان کا کاجل
۴
لہو بہایا یسوع نے میں صاف ہوئی
اُس کے خون کی برکھا سے میں پاک ہوئی
پوجا تیری کام ہے میرا، یسوع راجا نام ہے تیرا