آمد نیڑے آئی مسیحا تیری آمد نیڑے آئی

آمد نیڑے آئی مسیحا تیری آمد نیڑے آئی
بن جاؤ اصل عیسائی ، مسیحا تیری آمد نیڑے آئی
۱
یسوع مسیح دے آؤ دوراے، اوگن بخشے جاون سارے
ہووے خوب صفائی ، مسیحا تیری آمد نیڑے آئی
۲
سبھناں رَل مل متے پکائے، بادشاہاں ہن جنگ رچائے
کر دے خوب لڑائی ، مسیحا تیری آمد نیڑے آئی
۳
کال بھچال ہون بوہتے آون، سُتیاں لوکاں نوں جگاون
ہوش کرو میرے بھائی ، مسیحا تیری آمد نیڑے آئی
۴
بھائی بھائیاں تے ظلم کماندے ، خوف خدا دا مول نہ کھاندے
کردے خوب برائی ، مسیحا تیری آمد نیڑے آئی
۵
تینوں پاپاں بہت ستایا، پلڑا شیطان نے گل وچ پایا
بنیا پھریں شدائی ، مسیحا تیری آمد نیڑے آئی
۶
دانی ایل نبی فرمایا، ویکھ زمانہ آخر آیا
دانش ودھدی جائی ، مسیحا تیری آمد نیڑے آئی
۷
آؤ ول مسیح دے جائیے ، آمد وچ شریک ہو جائیے
بن کے اصل عیسائی ، مسیحا تیری آمد نیڑے آئی
۸
آمد دی ہن کرو تیاری ، کیوں گناہ نے مت جے ماری
ہوش کرو میرے بھائی ، مسیحا تیری آمد نیڑے آئی
۹
خوشی دے وچ مارو نعرہ، یسوع ہویا اے کفارہ
دیو ایہہ گوائی ، مسیحا تیری آمد نیڑے آئی
۱۰
جو ایمان مسیح سے لیاوے، مفت انعام نجات دا پاوے
دھوکا مول نہ کائی ، مسیحا تیری آمد نیڑے آئی
۱۱
جو ایمان مسیح تے نہ لیاوے، اوہدی فیر تبائی ہو جاوے
ایہہ ہے حکم خدائی ، مسیحا تیری آمد نیڑے آئی
۱۲
خوش خبری دا ایہہ پیغام، پہنچے ہر ہر تھائیں تمام
دیہو ایہو دہائی ، مسیحا تیری آمد نیڑے آئی
۱۳
انجیل متی وچ ایہہ بیان، قیامت والے سب نشان
لکھیا نال صفائی ، مسیحا تیری آمد نیڑے آئی