آج کہنے دو مجھے قصہ شبِ غمناک کا

آج کہنے دو مجھے قصہ شبِ غمناک کا
آج لکھنے دو مجھے پھر داستانِ کلوری
۱
منہ پہ تھوکا کوڑے مارے گالیاں دیں برملا
یہ بھی تھی اک داستان در داستانِ کلوری
۲
دار کو رنگیں کیا تھا جس مقدس خون نے
رنگ وہ لائے نہ کیوں اے عاشقانِ کلوری
۳
دار پر تکمیلِ الفت دیکھ کر دل نے کہا
وجد میں کیوں کر نہ آئے مدحِ خوانِ کلوری
۴
شوق کا سجدہ بنی ہے طاق پھر میری جبیں
اِس طرح کچھ کھینچ لاؤ آستانِ کلوری