آج فرشتوں نے خوش ہو کر حمد کے نغمے گائے ہیں

آج فرشتوں نے خوش ہو کر حمد کے نغمے گائے ہیں
دھرتی کا ہر درد مٹانے دیکھ منجی آئے ہیں
۱
رومی قیصر کی جانب سے جاری اک فرمان ہوا
اسم نویسی کا پھر ہر سو چرچا اور اعلان ہوا
یوسف اور مریم بھی اپنے نام لکھانے آئے ہیں
۲
کپڑے میں لپٹے یسوع کا چرنی میں دیدار ہوا
اک بچے کی صورت میں ہے یزداں کا اوتار ہوا
اپنا پیار دکھانے یسوع اِس دنیا میں آئے ہیں
۳
امن و صلح کی خوشخبری کو دنیا میں مشہور کرو
جنگ اور نفرت کے سائے کو اس دنیا سے دور کرو
آزادی اور پیار کے پرچم گھر گھر میں لہرائے ہیں