ہر سال تے مَیں عید منائی تے زندگی خراب رہ گئی


ہر سال تے مَیں عید منائی
تے زندگی خراب رہ گئی
بڑے چاواں نال چرنی سجائی
تے زندگی خراب رہ گئی
۱
چووی تے دسمبر والی رات سوہنی لگدی
پنجی نُوں تے چمکدی اے مایا سوہنی پگدی
مانگاں ماریاں تے ڈھولکی وجائی
تے زندگی خراب رہ گئی
۲
سخت تنقیداں پیا ہورناں تے کرناں ایں
آپ تے تُوں جھوٹ والی پوڑی پیا چڑھناں ایں
رقم چندے والی گُتھلی چ پائی
تے زندگی خراب رہ گئی
۳
ٹڈیاں وی موگھے ول پوہ وچ جاندیاں
اگے پچھے ٹی وی ول پھیریاں نیں پاندیاں
صلیب مُل لے کے گل وچ پائی
تے زندگی خراب رہ گئی
۴
ایمان تیرا عمل دے بغیر کہیڑے کم دا
یسوع تیرا باپ ہر سال تے نئیں جم دا
روڑی وختاں دی کیتی تُوں کمائی
تے زندگی خراب رہ گئی