کنے بدیاں چ لنگے تیرے سال اے وی کدی سوچیا ای
لکھاری:
فاختہ ورشپ لائبریری
مطالعات:
98
کنے بدیاں چ لنگے تیرے سال
اے وی کدی سوچیا ای
تیرے کالیاں تھوں چٹے ہو گئے وال
اے وی کدی سوچیا ای
(۱)
جند اپنی خراب ایویں کر نہ
جانویں زندگی دی بازی کِتے ہر نہ
نئیوں کسے نے وی جانا تیرے نال
اے وی کدی سوچیا ای
(۲)
ایویں بدیاں دے پچھے پیا ٹرنا ایں
کچے گھڑے وانگوں ایویں پیا کھُرنا ایں
کاہنوں بنیا ایں ککھ تے پرال
اے وی کدی سوچیا ای
(۳)
دنیا والے کڈھ دے دلوں جنجال تُوں
چھڈ کے سستی غافلا سُرت سنبھال تُوں
کِتے ٹُر نہ جاویں وچ پاتال
اے وی کدی سوچیا ای