چوٹھے ہاسے دی بکل وچ غم لکا لئے سارے

کنیز منظور پنجابی مشاہدات: 100 پسند: 0

ا ندر لکن میٹی کھیڈن رونےہاسے سارے

لوکاں نوں خوش لگاں پر من کوئ نہ ویکھے

کیہ جانن ایس جندڑی اتے بھار نے کنے بھارے

نہ میں کوئ وعدہ سی کیتا نہ کوئ وڈا بول

پجیں پجیں فیر وی تیرے قول نبھائے سارے

کدی تے وہیڑےآون گے خوشیاں سکھاں والے دن

ایسےآس تےجر گئ ساں میں پہاڑ غماں دے سارے

جے نئیں ہالی رجیا دل تے ہور ازما کے ویکھ

توڑ کے توں نئیں دتے،جگ دن رات وکھائے تارے

آس امید دے جگنو میں اکھیاں وچ نےساہنبھے

ویکھیو ایہہ ہن چمکن گے بن کے وڈے تارے

اکو در تے بیٹھے رہے آں ہڑاں چ گاڑ کے جھنڈے

عقلاں والے آوندے جاندے کملی آہندے سارے

واپس جائیں