وساکھی دیاں ڈھیر ودھائیاں
کنیز منظور
پنجابی
مشاہدات: 116
پسند: 0
آ ئی وساکھی تے پکیاں کنکاں
کچ دیاں فر چھنکیاں ونگاں
ساری محنت لگ دی بنے
سونے ورگے ویکھ کے سٹے
اکھاں وچ خوشیاں چمک دیاں
دل وچ سدھراں نچدیاں
واج ڈھول دی کھچے سب نوں
تھرکن پیر دل کردا نچن نوں
پا پا بھنگڑے دل پرچوندے
گدے پانڈے نچ دے گاؤ ندے
ویکھیا نئیں پر سنیا اے
دے وساکھی پیار دا سنیہا اے
لنگ گیاں نے دھپاں سڑیاں
جر لئیاں نے پیڑاں بڑیاں
سکھ سکھالی دے دن آ ئے
پورے ورھے دے دانے پائے
سب نے رب دے شکر منائے
دل کیوں نہ ہسے نچے گائے
بڈھے منڈے چھوٹے وڈھے
میلہ لٹن آ ئے بن پگڑ وڈھے
نارںاں سوہنیاں چنیاں رنگوائیاں
پھمن پر اندیاں نال گتاں سجائیاں
نینیں پا کے سرم سلائیاں
اک دوجی نوں دین ودھائیاں
داتن دے نال دند چمکا کے
سجناں نوں فر ناز وکھا کے
ویراں توں شگن لیندیاں بہناں
صدقے واری جاندیاں ماواں
آ ئ وساکھی پکیاں کنکاں
کچ دیا ں فر چھنکیاں ونگاں
واپس جائیں
