دکھ اہناں دے جرلواں آپے
ہو کے سارے میں پرلواں آپے
لگن دیاں نہ سیک میں رکھ بن کے
دھپ اہناں دی میں سڑلواں آپے
سارے اتھرو ہنجو اہناں اکھیاں دے
کھٹے کرلواں اکھیں میں پرلواں آپے
اہناں لئی نہ موڑاں کدی میں آکھا تیرا
جنی وار آکھیں میں مرلواں آپے
سدا ہسدے رہن پھل باغ میرے دے
اتھرو اہناں دے چولی پرلواں آپے
ہڑ آؤن نہ کدی دکھاں دے اہناں ولے
کشی اہناں دی بن کے میں ترلواں آپے
شکر مالکا کیتا اے پھل دار ڈالی
سجدے سارے نہ کیوں میں کر لواں آپے