تراہ
وکٹر جان
نظمیں
پنجابی
مشاہدات: 29
پسند: 0
شہر دے گھبے گھر بنا کے
اوہدے اوتے چھتاں پا کے
رنگ تے روغن نال سجا کے
نالے سوہنے پردے لا کے
ٹبر اوتھے چھڈ چھڈا کے
جد میں کم تے جانا واں
تے راہے واٹے تردے تردے
دل اے ڈر دا رہندا اے
سینے دے وچ دھمک دھمک کے
کسر کسر کے کہندا اے
کدھ تک گھر محفوظ اے تیرا
کدھ تک گھر محفوظ اے تیرا
کیا اے خون نہاون والے
بمب دھماکے چاون والے
ہر اک گھر نوں ڈھاون والے
تیرا گھر نہ ڈھاون گے
واپس جائیں
