تمہارے نام ایک نظم
سنو میری سانسوں کی مہک
سوچتی ہوں تمہیں کیا لکھوں
جو لفظ بھی لکھتی ہوں
تمہارے لیئے کم تر لگتا ہے
سوچا دلربا لکھوں
لیکن دل کا رک جانا منظور نہ تھا
سوچا جان و تن لکھوں لیکن جان کا کیا بھروسہ
سوچا آنکھوں کی روشنی لکھوں لیکن روشنی گُل ہو جاتی ہے
پھر سوچا دل کی دھڑکن لکھ دوں
لیکن دھڑکن رک بھی تو جاتی ہے
پھر سوچا تم کو اپنی سانس لکھوں
لیکن سانس کا بھروسہ کب
سنو میرے شاعر
میرے پاس مزید الفاظ نہیں
تم ہی بتا دو تمہیں کیا لکھوں؟