یوں خواب میں آنا ٹھیک نہیں اے جان سخن ایسا نہ کرو

ثمینہ گل وفا غزلیات مشاہدات: 76 پسند: 0

یہ دل کی دنیا سُکھی رہے تم خوابوں کو صحرا نہ کرو

تم ساتھ ہو میرے خواب میں بھی یہ چاند ستارے حیراں ہیں

دو چار قدم بس دور رہو ہر خواب میرا سچا نہ کرو

بے چین بنائے رکھتی ہے ہاں راتوں کی یہ تنہائی

بانہوں میں رہو کچھ دیر یونہی اس دل کو ابھی شعلہ نہ کرو

اے کاش کہ خواب جو دیکھے ہیں وہ خواب حقیقت بن جائیں

یہ ڈر بھی دل میں رہتا ہے تم مجھ سے کہیں دھوکہ نہ کرو

جو ہونا تھا وہ ہو بھی چکا ہونے کو روک نہیں سکتے

بہتر ہے یہی خاموش رہو یہ عشق وفا رسوا نہ کرو

واپس جائیں