پیار کی شکل میں ثنا لکھنا
ثمینہ گل وفا
غزلیات
مشاہدات: 101
پسند: 0
پیار کی شکل میں ثنا لکھنا
بعد پھر اِس کے اور کیا لکھنا
یاد ہے دِل کے کورے کاغذ پر
پیار کا ہاں تجھے خدا لکھنا
معجزہ دیکھنا حروف کا پھر
پہلے کاغذ پہ تم دعا لکھنا
کہنا منزل وجود کو تیرے
تیری سانسوں کو راستہ لکھنا
اذن جو مل گیا ہے لکھنے کا
مستقل اب یہ سلسلہ لکھنا
کب تو جاناں مرے گمان میں تھا
یہ تو بس اُس کی ہے عطا لکھنا
آزمائش قلم کی ہے بے شک
شان محبوب میں وفا لکھنا
واپس جائیں
