بہار آئی ہے لیکن تری عطا بھی نہیں

ثمینہ گل وفا غزلیات مشاہدات: 68 پسند: 0

چمن میں پھول نہیں اور کہیں صبا بھی نہیں

عجیب موسم گُل ہے یہ شہر میں تیرے

بدن پہ پھولوں کے خوشبو کی اب قبا بھی نہیں

یہی بہار کا موسم تھا جب ملے تھے تم

اسی بہار کے موسم میں تم جدا بھی نہیں

یہ اک زمانہ ہے جب تم قریب جاں بھی نہیں

وہ اک زمانہ تھا جب تم مرے خدا بھی نہیں

یہ قید میرے لیئے سچ ہے اک سعادت ہے

میرا نصیب کہ تم ہی مری سزا بھی نہیں

بہار آئی ہے لیکن یہ وہ بہار نہیں

وہ اک بہار کے دن تھےکہ تم خفا بھی نہیں

یہ سچ ہے وہ تو وفا ہی سے ملنے آیا تھا

وہ میرے سامنے بیٹھا رہا ملا بھی نہیں

واپس جائیں