دَورِظُلمت دیس سے جانے والا ہے

عمانوئیل نذیر مانی غزلیات مشاہدات: 64 پسند: 0

اَمن پرندہ پَر پھَیلانے والا ہے

...

بن جائے گا زِینت مُفلِس ہونٹوں کی

وقت نیا اَب گیت وہ گانے والا ہے

...

یہ بتلا دے یار کِتابِ زِیست میں کیا

حادِثہ کوئی دِل دَہلانے والا ہے

...

جِس موسم میں پھُول کھِلے تھے اُلفت کے

اب وہ موسم دِل تڑپانے والا ہے

...

کب تک دَرد کی دُھوپ ہمیں جھُلسائے گی

رَحمت کا بادل اب چھانے والا ہے

...

برسوں سے زِنداں میںبند پڑا ہے جو

اب وہ ہر دِیوار گِرانے والا ہے

...

لَوٹ آئے گا مانیؔ آخِر اِک دِن وہ

مُجھ کو چھوڑ کے دُور جو جانے والا ہے

واپس جائیں