Fakhta logo
فاختہ بائبل اسٹڈی ٹولز
جلد متوقع مشمولات
لوٹ کر آئے نہیں شہر سے جانے والے - فاختہ

لوٹ کر آئے نہیں شہر سے جانے والے

عمانوئیل نذیر مانی غزلیات مشاہدات: 76 پسند: 0
لوٹ کر آئے نہیں شہر سے جانے والے
جانے کِس دیس کو جاتے ہیں نہ آنے والے
...
ہم نے ہر بار وَفاؤں کی سزا پائی ہے
ہم نے دھوکے یہاں کھائے ہیں نہ کھانے والے
...
ہم نے خُود کارِ مَحبّت میں قدم رکھّا تھا
ہم ہی عاشِق ہیں مِیاں دَشت بسانے والے
...
اُس کو دیکھا تو مِری آنکھ سے چھلکے آنسو
کُچھ تو ہوتے ہی نہیں زخم چُھپانے والے
...
اِن درختوں پہ بھی آسیب کا سایہ ہے کوئی
سانپ بیٹھے ہیں پرندوں کو ستانے والے
...
اب کہ دُشمن کے لئے مَیں نے دُعا مانگی ہے
دوست مِلتے ہیں مُجھے خُون رُلانے والے
...
میرے خوابوں کی یوں تعمیر کہاں مُمکِن ہے
دِل میں رہتے ہیں مِری نِیند چُرانے والے
...
اُن کی یادوں سے نِکلتا ہی نہیں دِل مانیؔ
مَر کے بھی ساتھ نِبھاتے ہیں نِبھانے والے
واپس جائیں
کِن باتوں کا ڈر ہے تُم کو روشنی کے سِوا اور کیا چاہیئے

Please mark your visit by following our Facebook Page
اگر آپ بھی اپنی نگارشات فاختہ ڈاٹ آرگ پر شائع کرانا چاہتے ہیں تو۔۔۔ خوش آمدید