جگّ دا ہویا دُور ہنیرا

عمانوئیل نذیر مانی پنجابی مشاہدات: 26 پسند: 0

رات پئی جاپے جِیویں سویرا

تے چرنی پئی لاٹاں مار دی

...

وچ طبیلے آیا شافی

پاپاں توں ہُن دین لئ معافی

مہکاراں نے جِند مہکائی

رنگاں نیں اج پایا گھیرا

جگّ دا ہویا دُور ہنیرا

...

دِل قدماں وِچ اوہدے دھرئیے

آ جاؤ سارے درشن کرئیے

اوہدے ورگا کون اَسانوں

جِس نے کِیتا کرم ودھیرا

جگّ دا ہویا دُور ہنیرا

...

لوکی سارے جشن مناندے

گیت خُوشی دے رَل مِل گاندے

ماؔنی ہر دَم سِیس نواواں

ہویا میرا بخت اُچیرا

جگّ دا ہویا دُور ہنیرا

واپس جائیں