کِتنی پیاری رات ہے آئی

عمانوئیل نذیر مانی مسیحی شاعری مشاہدات: 8 پسند: 0

لاکھوں خُوشیاں ساتھ ہے لائی

سارے مِل کر جشن منائیں

گیت مَحبّت والے گائیں

ربّ کی رحمت ہر سُو چھائی

کِتنی پیاری رات ہے آئی

...

ابنِ مریم چرنی آئے

دُور ہوئے ہیں غم کے سائے

پیار ، مَحبّت ، اَمن اور چاہت

یہ سوغاتیں ساتھ ہیں لائے

جو بِگڑی تھی بات بنائی

کِتنی پیاری رات ہے آئی

...

بیت الحم کو مِل کر جائیں

مِل کر سارے جشن منائیں

اِس دِن کا پیغام یہی ہے

رُوٹھے ہوؤں کو دِل سے لگائیں

دِل کی کر کے خُوب صَفائی

کِتنی پیاری رات ہے آئی

واپس جائیں