عَرشاں نوں اوہ چَھڈ کے آیا

عمانوئیل نذیر مانی پنجابی مشاہدات: 17 پسند: 0

چرنی دے وِچ ڈیرا لایا

ویکھو میرے مُکتی داتا

سُتا میرا لیکھ جگایا

تے چَونہہ پاسے پُھلّ کِھڑ پئے

...

چرنی والی شان نِرالی

ہر دَم ویکھی جاون والی

تارا اُتے لاٹاں مارے

سوہنے ربّ نے جو چمکایا

تے چَونہہ پاسے پُھلّ کِھڑ پئے

...

چَن تارے چمکاوے جیہڑا

مینہ رحمت دا پاوے جیہڑا

مینُوں دُکھ دے مارے نُوں جے

اوہنے اپنے سِینے لایا

تے چَونہہ پاسے پُھلّ کِھڑ پئے

...

بُھل کے اُچیاں اُچیاں شاناں

لَے کے سونا ، مُر ، لوباناں

مشرِق والے شاہواں ماؔنی

آ چرنی نُوں سیس نوایا

تے چَونہہ پاسے پُھلّ کِھڑ پئے

واپس جائیں