اسی رب دے بندے ہاں

حزقی ایل سروش گیت مشاہدات: 84 پسند: 0

اسی رب دے بندے ہاں

تے رب سانوں پیار کردا اے

اسی رُلدے پھردے ساں

تے ہن سانوں یسوع ملیا اے

اسی لبھدے پھردےساں

خدا دیاں سچیاں راہواں نوں

اسی نت ترسدے رہندے ساں

پیار دیاں ٹھنڈیاں چھانواں نوں

سانوں سچی زندگی دا یسوع نے رستہ دسیا اے

جنہاں نوں معافی مل گئی اے

اوہناں دے بھاگ جاگے نیں

اکھاں وِچ خوشیاں وسیاں نیں

دلاں وچ چانن ہو گئے نیں

ویکھو جی رب دا پیار

کہ جیہڑا جگ تھوں وکھرا اے

ہن چار چوفیرے خوشیاں دے

پھل سجرے کھڑ پئے نیں

عرشاں دے وارث ہو گئے نیں

جیہڑے قدمی لگ گئے نیں

ساڈے اُجڑیاں باگاں نوں

یسوع نے آن وسایا اے

واپس جائیں