کونپلوں سے صورتیں ظاہر ہوئیں

کونپلوں سے صورتیں ظاہر ہوئیں - فاختہ

نذیر قیصر غزلیات مشاہدات: 63 پسند: 0

موسموں میں حیرتیں ظاہر ہوئیں

۔۔۔

کھل گیا شاخِ نوا میں حرفِ شب

مجلسوں میں خلوتیں ظاہر ہوئیں

۔۔۔

ٹھہرے لمحے میں تھا صدیوں کا بہاؤ

کیسی کیسی فرصتیں ظاہر ہوئیں

۔۔۔

تیرگی میں کھل گیا وہ آنکھ پر

فاصلوں میں قربتیں ظاہر ہوئیں

۔۔۔

خالی بام و در لب گویا ہوئے

بستیوں پر عبرتیں ظاہر ہوئیں

۔۔۔

اُمتوں کے قافلے بے گھر ہوئے

انبیاء پر ہجرتیں ظاہر ہوئیں

واپس جائیں