اب نہیں ممکن تو کل ہو گا ضرور

اب نہیں ممکن تو کل ہو گا ضرور - فاختہ

گریفن جونز شرر غزلیات مشاہدات: 74 پسند: 0

فیصلہ لیکن اٹل ہو گا ضرور

۔۔۔

نا اُمیدی، مشکلیں، مایوسیاں

کچھ نہ کچھ آخر تو حل ہو گا ضرور

۔۔۔

اب مسیحیت اُٹھائے گی صلیب

اِس قدر تو اِس میں بَل ہو گا ضرور

۔۔۔

ناچتا ہے سامریت کا وجود

ہیکلوں میں کچھ خلل ہو گا ضرور

۔۔۔

ہم نے جینے کا کیا ہے فیصلہ

ہر قدم اب برمحل ہو گا ضرور

۔۔۔

اے شررؔ جو ترجمانِ قوم ہو

شعر وہ جانِ غزل ہو گا ضرور

واپس جائیں