ڈھلدیاں شاماں سینےمیرےڈر دےنیزے گڈ ن

عامر زریں پنجابی مشاہدات: 88 پسند: 0

میرے سجن متر آ کے ایس اوکھی چوں کڈن

خالم خالی اڈدا پھر دا پکھی اے مڑیا آیا

فیر ہن کانہوں آہلنے دے وچ بوٹ نیں مونہہ نوں اڈن

ورہے دا بارواں مہینہ آیا پردیسی مڑ آون

میریاں اکھاں نوں اے کانہوں غیر پئے اپنے لگن

ایس ورہے وی کوریاں ٹھنڈاں حداں نیں کر دینیاں

لوکی تائیوں ایسے بھادوں کوٹھے پئے نیں چھتن

کالے بدل ور ور بستی دی ہر شے پئے ڈوبن

بدلاں دا ہجے جی نئیں بھریا مڑ مڑ آ کے گجن

آجا کاواں ہن تے سجناں دی کوئی دس تے پا جا

تاں جے دل دے بوہے باریاں خوشیاں دے نال سجن

واپس جائیں