مکاں تو ایک طرف حرفِ لامکاں بھی نہیں

عارف پرویز نقیب غزلیات مشاہدات: 76 پسند: 0

زمین پاؤں تلے، سر پہ آسماں بھی نہیں

۔۔۔

عجب طرزِ جدائی، عجیب دردِ فراق

بچھڑ رہا ہے وہ مجھ سے کہ بدگماں بھی نہیں

۔۔۔

نجانے کون سی منزل پہ آ گیا ہوں میں

کہ تیرے جانے کا ہم کو غمِ زیاں بھی نہیں

۔۔۔

سمندروں کی تمنا نے دے دیا صحرا

کہ سر پہ کھولتا سورج ہے سائباں بھی نہیں

۔۔۔

ہر ایک سمت تپش ہے سلگتے جسموں کی

جہاں میں آگ لگی ہے مگر دھواں بھی نہیں

۔۔۔

اُٹھا لے کوئی مجھے بھی کہ اہمیت کیا ہے؟

میں تیرے لب سے گرا حرفِ داستاں بھی نہیں

۔۔۔

میں اس کے وار کو سمجھا تھا امتحان نقیبؔ

وہ قتل کرنے کو آیا مجھے گماں بھی نہیں

واپس جائیں

بے وطن رت جگے