اے چشمِ بینا یہ دیکھا تُو نے
بصارتیں قتل ہو رہی ہیں
۔۔۔
وہ جن کو ادراکِ چاہ ملا تھا
سماعتیں قتل ہو رہی ہیں
۔۔۔
ہر ایک کوچے
ہر اِک گلی میں
یہ دندناتے ہوئے درندے
کہاں سے آئے؟
یہ کون لایا؟
۔۔۔
چراغ لمحوں کے بُجھ رہے ہیں
کہ ساعتیں قتل ہو رہی ہیں
کیوں ڈھیر لاشوں کے لگ رہے ہیں
محبتیں قتل ہو رہی ہیں
۔۔۔
اے خاکِ ارضِ وطن بتا دے
یہ پیاسِ خوں تیری کب بُجھے گی
کہ جھوٹ پرور اُبھر رہے ہیں
حقیقتیں قتل ہو رہی ہیں
۔۔۔
سارے اثبات گم ہوئے ہیں
شہادتیں قتل ہو رہی ہیں
۔۔۔
اے خاکِ ارضِ وطن بتا دے
یہ پیاسِ خوں تیری کب بُجھے گی
( 27.12.2007)