تیرا سوچتے رہنا تجھ کومار نہ دے

عارف پرویز نقیب غزلیات مشاہدات: 84 پسند: 0

سپنے بُنتے رہنا تجھ کو مار نہ دے

۔۔۔

پھیل نہ جائے زہر بدن میں فُرقت کا

زخم کا رِستے رہنا تجھ کو مار نہ دے

۔۔۔

بچنا ٹھیک ہے لیکن بڑھ کے وار بھی کر

تیرا بچتے رہنا تجھ کو مار نہ دے

۔۔۔

چاٹ نہ جائے تجھ کو گھن تنہائی کا

تیرا کڑھتے رہنا تجھ کو مار نہ دے

۔۔۔

تعبیریں اِس شہر میں چھین کے جینا ہے

خواب ہی تکتے رہنا تجھ کو مار نہ دے

۔۔۔

اب تو فیصلہ کرنا ہوگا جینے کا

اس کا روٹھتے رہنا تجھ کو مار نہ دے

۔۔۔

اُس کی آنکھیں کم دیکھا کر یار نقیبؔ

اُن میں دیکھتے رہنا تجھ کو مار نہ دے

واپس جائیں